تازہ ترین

نو مئی کے مقدمات کی سماعت کرنے والے جج کیخلاف ریفرنس دائر

راولپنڈی: نو مئی کے مقدمات کی سماعت کرنے والے...

توشہ خانہ ریفرنس: نواز شریف کو کلین چٹ مل گئی

اسلام آباد : قومی احتساب بیورو (نیب) نے سابق...

جام شورو انڈس ہائی وے پر خوفناک حادثہ، 6 افراد جاں بحق

دادو : جام شورو انڈس ہائی وے پر ٹریفک...

آئی ایم ایف اور پاکستان کے درمیان معاہدے پر امریکا کا ردعمل

واشنگٹن: امریکا نے عالمی مالیاتی فنڈ (آئی ایم ایف)...

مسلح افواج کو قوم کی حمایت حاصل ہے، آرمی چیف

راولپنڈی: آرمی چیف جنرل عاصم منیر کا کہنا ہے...

سکیش چندرا شیکھر نے جیکلین کو محبت بھرا خط لکھ دیا

ممبئی: بالی وڈ کی نامور اداکارہ جیکلین فرنانڈز کو 200 کروڑ منی لانڈرنگ کیس میں گرفتار سکیش چندرا شیکھر نے جیل سے محبت بھرا خط بھیج دیا۔

بھارتی میڈیا کے مطابق جیکلین فرنانڈز ملزم کی قریبی دوست ہونے کی وجہ سے منی لانڈرنگ کیس میں شاملِ تفتیش ہیں اور کئی بار عدالت میں اپنی بے گناہی ثابت کرنے کیلیے پیش ہو چکی ہیں۔

سکیش چندرا شیکھر نے ہندو تہوار ہولی کے موقع پر خط میں انہیں مبارکباد دی اور اپنی محبت کا اظہار کیا۔ ملزم نے لکھا کہ میں ایک بہترین انسان اور میری بہت ہی خوبصورت جیکلین کو ہولی کی بہت بہت مبارکباد دیتا ہوں۔

متعلقہ: جیکلین ملک سے فرار کی کوشش کرتے ہوئے پکڑی گئیں

خط میں لکھا گیا کہ ’رنگوں کے تہوار والے دن میں تم سے وعدہ کرتا ہوں کہ جو رنگ تمہاری زندگی سے میری وجہ سے غائب ہوگئے انہیں ضرور واپس لاؤں گا اور یہ میری ذمہ داری ہے۔‘

ملزم نے لکھا کہ تم جانتی ہو میں تمہارے لیے ہر حد تک جاؤں گا، میں تم سے بہت پیار کرتا ہوں اور دعا ہے کہ تم ہمیشہ مسکراتی رہو، تمہیں اچھی طرح معلوم ہے کہ میں تمہیں کتنا چاہتا ہوں۔

کچھ روز قبل سکیش چندرا شیکھر نے منی لانڈرنگ کیس میں پیشی کے دوران احاطہ عدالت میں صحافیوں سے مختصر گفتگو میں اعتراف کیا تھا کہ جیکلین فرنانڈز کیس سے کوئی تعلق نہیں ہے۔

ملزم کا کہنا تھا کہ جیکلین فرنانڈز کیس کا حصہ نہیں، وہ پریشان نہ ہوں کیونکہ میں ان کی حفاظت کیلیے موجود ہوں۔ اس نے صحافیوں سے درخواست کی کہ میری کی طرف سے اداکارہ کو ویلنٹائن ڈے کی مبارکباد دی جائے۔ اس پر ملزم کو بتایا گیا کہ جیکلین کا کہنا ہے کہ آپ نے انہیں استعمال کیا۔

متعلقہ: جیکلین کی ڈیزائینر نے اداکارہ کا بھانڈا پھوڑ دیا

ملزم نے جواب میں کہا کہ ’میں اس بارے میں کوئی تبصرہ نہیں کرنا چاہتا۔ یہ بات کہنے کیلیے جیکلین کے پاس کئی وجوہات ہیں۔ جب آپ کسی سے محبت کرتے ہیں تو آپ ان کی حفاظت کرنے کی کوشش کرتے ہیں۔‘

Comments

- Advertisement -