آسکر تقریب میں میزبان کرس راک کو اسٹیج پر اچانک مکا جڑنے والے امریکی سیاہ فام اداکار وِل اسمتھ کے بیٹے نے ایک ٹوئٹ میں ردِ عمل ظاہر کر دیا۔
وِل اسمتھ نے گزشتہ روز آسکر ایوارڈ 2022 کی براہ راست تقریب میں کامیڈین کرس راک کو مکا مار دیا تھا، جس پر نہ صرف تقریب میں موجود افراد ہکا بکا ہو گئے تھے بلکہ یہ کلپ انٹرنیٹ پر وائرل ہوئی تو لوگ بھی دیکھ کر ششدر رہ گئے۔
کیا وِل اسمتھ کو اپنا آسکر واپس لوٹانا ہوگا؟
یہ ایک غیر معمولی نظارہ تھا، اور آسکر کی پوری تاریخ کا انوکھا واقعہ تھا، جب لائیو تقریب کے دوران کامیڈین کرس راک نے ایلوپیشیا (گنج پن، بال جھڑنے کی بیماری) کی مریضہ ول اسمتھ کی اہلیہ اداکارہ جاڈا پنکیٹ کا مذاق اُڑایا، تو ول اسمتھ خود پر قابو نہ رکھ سکے اور کرسی سے اٹھ کر اسٹیج پر پہنچ گئے، انھوں نے بھرے ہال کے سامنے کرس راک کو اچانک منہ پر مکا جڑ دیا۔
آسکر ایوارڈز حاصل کرنے والوں کے بارے میں دل چسپ معلومات
اس ناخوش گوار واقعے پر وِل اسمتھ کے بیٹے جیڈن اسمتھ نے اپنے آفیشل ٹوئٹر اکاؤنٹ پر رد عمل ظاہر کیا ہے، جیڈن نے ایک جملہ لکھا: ’اور ہم ایسا ہی کرتے ہیں۔‘
And That’s How We Do It
— Jaden (@jaden) March 28, 2022
اس مختصر جملے میں جیڈن نے والد کے عمل کا دفاع کرتے ہوئے اپنے جذبے کا بھرپور اظہار کر دیا ہے، ان کے کہنے کا مطلب تھا کہ اگر ہماری فیملی کو اس طرح مذاق کا نشانہ بنایا جائے گا تو پھر جواب بھی ایسا ہی منہ توڑ دیا جائے گا۔
