لاہور: پاکستان تحریک انصاف میں ٹوٹ پھوٹ کے بعد جہانگیر ترین گروپ ایک بار پھر سیاست میں متحرک ہوگیا ہے۔
ذرائع کے مطابق پاکستان تحریک انصاف کو چھوڑنے والے کئی ارکان نے جہانگیر ترین گروپ سے رابطے کئے اور انہوں نے ترین گروپ میں شمولیت پر رضامندی کا اظہار کیا ہے۔
جہانگیر ترین ذرائع کا کہنا ہے کہ حالیہ دو سے تین روز میں سو سے زائد رہنماؤں سے رابطے کئے گئے ہیں، رابطہ کرنے والوں میں فواد چوہدری، فردوس عاشق اعوان بھی شامل ہیں۔
یہ بھی پڑھیں: فوادچوہدری نے پی ٹی آئی چھوڑنے کا اعلان کر دیا
ذرائع کا کہنا ہے کہ آئندہ دو سے تین روز کے دوران پی ٹی آئی چھوڑنے والے کئی ارکان ترین گروپ کے ساتھ چلنے کا اعلان کرینگے۔
میں پہلے ہی کہ چکا ہوں سیاست سے بریک لے رہا ہوں، فی الحال سیاست کرنے کا کوئ ارادہ نہیں،
— Ch Fawad Hussain (@fawadchaudhry) May 27, 2023
ادھر فواد چوہدری نے جہانگیر ترین گروپ سے رابطے کی تردید کرتے ہوئے کہا کہ پہلے ہی واضح کرچکا ہوں کہ سیاست سے بریک لے رہا ہوں، فی الحال سیاست کرنے کا کوئی ارادہ نہیں ہے۔
واضح رہے کہ چند روز قبل پی ٹی آئی کے سرکردہ رہنما فواد چوہدری نے پارٹی چھوڑنے کا اعلان کیا تھا۔