شوبز انڈسٹری کی ابھرتی ہوئی اداکارہ جینیس ٹیسا کا کہنا ہے کہ اگر بلال عباس کے ساتھ میری افواہیں پھیلیں تو کوئی مسئلہ نہیں ہے۔
اداکارہ جینیس ٹیسا نے حال ہی میں اے آر وائی زندگی کے پروگرام ’دی نائٹ شو ود ایاز سموں‘ میں شرکت کی اور سیگمنٹ ’ریپڈ فائر‘ میں مختلف سوالات کے جوابات دیے۔
میزبان نے سوال کیا کہ ینگ اسٹنرز، عاطف اسلم، حسن رحیم، عاطف اسلم میں سے کس گلوکار کی ویڈیو میں آنا چاہیں گی؟
جینیس ٹیسا نے کہا کہ وہ ینگ اسٹنرز کے گانے کی ویڈیو میں آنا پسند کریں گی۔
اداکارہ نے کہا کہ اگر مجھے فلم کی کاسٹ خود سے کرنی ہو تو بلال عباس کو بطور ہیرو شامل کروں گی اور والد شبیر جان ہوں گے۔
میزبان نے سوال کیا کہ ان میں کس اداکار کے ساتھ آپ کی افواہیں پھیلیں تو بُرا نہیں لگے گا؟ اداکارہ نے آپشن سنے بغیر ہی بلال عباس کا نام لیا۔
جب انہیں آپشن میں دانیال ظفر، حمزہ سہیل، زاویار نعمان اور مومن ثاقب کے نام دیے گئے تو جینیس ٹیسا نے کہا کہ مجھے سب کے ساتھ ہی مسئلہ ہوگا بس بلال عباس کے ساتھ افواہیں پھیلنے پر کوئی مسئلہ نہیں ہے۔
سابق بوائے فرینڈ کے سوال پر جینیس ٹیسا نے اداکار فہد شیخ کا نام لیا۔
انہوں نے بتایا کہ انسٹاگرام پر کسی اداکار کے اکاؤنٹ میں جاکر نہیں دیکھتی کہ کیا شیئر کیا ہے جبکہ شوٹنگ کے دوران کبھی سیٹ پر دیر سے نہیں پہنچتی اگر دیر ہوبھی جائے تو سچ بتا دیتی ہوں۔
جینیس ٹیسا نے کہا کہ ایمانداری سے کہتی ہوں کہ کبھی سیلیبرٹی ہونے کا فائدہ نہیں اٹھایا۔
