The news is by your side.

Advertisement

جاوید میانداد نے وزیراعظم سے معذرت کر لی

لیجنڈری بیٹسمین جاوید میانداد نے وزیراعظم پر لگائے گئے سنگین الزامات اور سخت بیان پر معافی مانگ لی۔

ٹی وی شو میں گفتگو کرتے ہوئے جاوید میانداد نے عمران خان سے متعلق اپنے ریمارکس پر معذرت کرتے ہوئے کہا کہ وہ کسی کی دل آزاری نہیں کرنا چاہتے تھے۔

انہوں نے کہا اگر میں نے کسی کو ناراض کیا ہے تو اپنے الفاظ سے معذرت کرتا ہوں ، خاص طور پر وزیر اعظم سے کیونکہ میں انگلینڈ کے خلاف پہلے ٹیسٹ میں پاکستان کی کارکردگی پر ناراض تھا۔

جاوید میانداد نے کہا کہ میں وزیراعظم عمران خان سمیت دنیا بھر میں کرکٹ کے شائقین کی دل سے عزت و احترام کرتا ہوں، میرے ریمارکس سے کسی کی دل آزاری ہوئی ہے تو معذرت کرتا ہوں۔

گزشتہ دنوں اپنے یوٹیوب چینل پر پی سی بی کو سخت تنقید کا نشانہ بناتے ہوئے جاوید میانداد نے کہا تھا کہ ایسے لوگوں کو بورڈ میں اعلیٰ عہدوں پر رکھا گیا ہے جنہیں کرکٹ کا کچھ پتہ نہیں، بیرون ملک سے لا کر اہم منصب پر انہیں بٹھا دیا، اس معاملے پر وزیراعظم عمران خان سے ملاقات کروں گا۔

Comments

یہ بھی پڑھیں