قومی کرکٹ ٹیم کے سابق کپتان اور ہیڈکوچ جاوید میانداد نے کہا ہے کہ پاکستان میں سیکیورٹی کے کوئی مسائل نہیں، موت جب کہیں اور جہاں لکھی ہے وہی آئے گی بھارت کو اب پاکستان آنا چاہیے۔
سابق کپتان جاوید میانداد نے یوٹیوب کی ایک پوڈکاسٹ میں بات کرتے ہوئے بھارت کو مشورہ دیا ہے کہ وہ ایشیاکپ کیلئے پاکستان آئیں پاکستان میں سیکیورٹی کے کوئی مسائل نہیں ہے سکیورٹی کو چھوڑیں، ہمارا ایمان ہے کہ موت آنی ہے تو آنی ہے۔ زندگی اور موت تو اللہ کے ہاتھ میں ہے۔
پاکستان کے بھارت میں میچز پر بھارتی میڈیا کا بڑا دعویٰ
جاوید میانداد کا کہنا تھا کہ بھارت کا ایشیاکپ 2023 کیلئے پاکستان آنے سے صاف انکار نے ٹورنامنٹ کا مستقبل خطرے میں ڈال دیا ہے، سال 2012-13 میں ہماری ٹیم خراب حالات کے باوجود بھارت گئی تھی لیکن اسکے بعد بھارت نے اپنا وعدہ آج تک پورا نہیں کیا۔
سابق کپتان نے کہا کہ اگر بھارت ہمیں بلائے گا تو ضرور جائیں گے لیکن اب بھارت کی باری ہے کہ وہ اب اپنا قرض اُتارے۔
