The news is by your side.

Advertisement

بیلجیئم میں یہودی میوزیم پر حملہ، مجرم کو عمر قید کی سزا

برسلز: بیلجیئم میں یہودی میوزیم پر حملے کرنے والے مجرم کو عدالت نے عمر قید کی سزا سنا دی۔

تفصیلات کے مطابق دارالحکومت برسلز میں قائم یہودی میوزیم کو مئی 2014 میں نشانہ بنایا گیا تھا، فائرنگ کے نتیجے میں چار افراد مارے گئے تھے۔

غیر ملکی خبر رساں ادارے کا کہنا ہے کہ عدالت نے حملہ کرنے والے مجرمان کے خلاف فیصلہ سنا دیا، مرکزی مجرم’مہدی نموش‘ کو عمر قید کی سزا جبکہ مقدمے میں شریک ایک اور ملزم ’ناصر بدر‘ کو 15 سال قید کی سزا سنائی گئی ہے۔

اس مقدمے میں سزا پانے والے دونوں فرانسیسی شہری ہیں، گذشتہ ہفتے ہی عدالت کی جانب سے ملزمان کو قصور وار ٹھرایا گیا تھا تاہم سزا کا اعلان آج ہوا۔

میوزیم پر حملے میں دو اسرائیلی سیاح، ایک رضا کار اور عجائب گھر کی ریسپشنسٹ ہلاک ہوئی تھی۔فرانسیسی حکومت مہدی نموش کو پہلے سے جانتی تھی کیوں کہ 33 سالہ داعشی اس سے قبل چوری کے الزام میں 5 برس قید کاٹ چکا ہے۔

پیرس : یہودی میوزیم پر حملہ کرنے والے داعشی پر فرد جرم عائد

غیر ملکی خبر رساں ادارے کا کہنا تھا کہ نموش سنہ 2013 میں داعش میں شمولیت اختیار کرنے کے لیے شام چلا گیا تھا جہاں اس نے ایک سال داعش کے ساتھ دہشت گردانہ کارروائیوں میں حصّہ لیا بعد ازاں منصوبہ بندی کے تحت یہودی میوزیم کو نشانہ بنایا۔

خیال رہے کہ شدت پسند تنظیم داعش کئی بار مذہبی عبادت گاہوں کو بھی نشانہ بنا چکے ہیں، جس کے نتیجے میں درجنوں قیمتی جانوں کا ضیاع ہوا، آئی ایس آئی ایس شام میں اپنا اثرورسوخ رکھتی ہے۔

Comments

comments

یہ بھی پڑھیں