کراچی: جناح اسپتال کے گائنی وارڈ سے نومولود بچی کے اغوا کا مقدمہ درج کرلیا گیا۔
کراچی میں جناح اسپتال سے جمعے کی رات نومولود بچی کو اغوا کرلیا گیا تھا، جناح اسپتال سے نو مولودبچی کے اغوا پر اہلخانہ نے احتجاج کیا تھا، اہلخانہ کا کہنا تھا کہ ماں کی آنکھ لگ گئی اس دوران اغواکار نامعلوم خاتون بچی کو اٹھا کر لے گئی۔
جناح اسپتال کراچی سے نومولود بچی اغوا
- Advertisement -
اس حوالے سے ایس ایس پی ساؤتھ اسد رضا نے کہا کہ نومولود بچےکے واقعےکا مقدمہ گزشتہ روز صدر تھانے میں درج کیا گیا تھا جس کے بعد گائنی وارڈ کی سیکیورٹی انچارج رضوانہ کو گرفتار کرلیاگیا۔
پولیس نے بتایا کہ مقدمہ میں بچی کے اہلخانہ نے وارڈ سیکیورٹی انچارج، اسٹاف نرس کو نامزد کیا تھا، والدین نے کہا کہ بچی کو جناح اسپتال کے اسٹاف کے تعاون سے اغوا کیا گیا۔
