لاہور : مسلم لیگ ن کے رہنما اور وفاقی وزیر خواجہ سعد رفیق نے اعتراف کیا ہے کہ عمران خان ہم سے اچھی سیاست کر رہا ہے۔
تفصیلات کے مطابق ن لیگ اور پیپلز پارٹی کےمشترکہ پارلیمانی پارٹی اجلاس کا احوال سامنے آگیا، اجلاس میں خواجہ سعد رفیق نے اعتراف کیا کہ عمران خان ہم سے اچھی سیاست کر رہا ہے۔
سعد رفیق کا کہنا تھا کہ حمزہ شہباز سرگرم نہیں تھے جس کی وجہ سے ن لیگ کو مشکلات ہیں، وزیر اعظم سے کہا ہے حمزہ شہباز کو کہیں پنجاب میں تگڑی اپوزیشن کریں۔
ن لیگی رہنما نے کہا کہ اگر اب جگہ نہ ملی تو پنجاب میں پاؤں رکھنے کی جگہ بھی نہیں ملے گی ، ہمیں پنجاب 5،4ماہ کے لیے مل گیا تو بہت کچھ کریں گے۔
وفاقی وزیر کا کہنا تھا کہ ارکان اسمبلی کے مسائل حل کرنے کیلئےاسٹیٹ گیسٹ ہاؤس تیار کرا رہے ہیں ، وزیر اعظم کے نمائندے اسٹیٹ گیسٹ ہاؤس میں بیٹھیں گے اور ارکان کے جائز مسائل کو حل کرائیں گے۔
حسن مرتضیٰ کا بھی کہنا تھا کہ ہمیں فعال ہونے کی ضرورت ہے ورنہ پی ٹی آئی مضبوط ہوجائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں