اسلام آباد: سابق جنوبی افریقی کرکٹر جونٹی رہوڈز موٹرسائیکل پر شہر اقتدار کی سیر کو نکل پڑے۔
تفصیلات کے مطابق سابق جنوبی افریقی کرکٹر ہیوی بائیک پر فیصل مسجد اور اطراف کا دورہ کرنے کے بعد مری روڈ کی جانب بھی روانہ ہوئے ساتھ موجود دیگر موٹر سائیکل سواروں کو اپنے تاثرات سے بھی آگاہ کرتے رہے۔
سماجی رابطے کی ویب سائٹ ٹویٹر پر جونٹی نے تصاویر شیئر کرتے ہوئے پیغام میں کہا کہ بطور کھلاڑی میں اتنا نہیں گھوم پایا لیکن بطور کمنٹیٹر گھومنے میں بہت مزہ آرہا ہے۔
جونٹی نے مزید کہا کہ بطور کھلاڑی مختلف ممالک کے دورے کے دوران زیادہ تر ایئرپورٹ، ہوٹل اور اسٹیڈیم تک ہی محدود رہتے تھے اور سیر کا موقع نہیں مل پاتا تھا۔
During my playing days, I never got to see much of the countries that I toured: airports; hotels; grounds! Now as coach and commentator, am making sure that I experience as much as possible. Thanks to The Clan for the awesome ride #faisalmosque #murree pic.twitter.com/thAKeI5r8L
— Jonty Rhodes (@JontyRhodes8) February 27, 2020
لیکن بطور کوچ اور کمنٹیٹر پوری کوشش کرتا ہوں کہ ان ملکوں کے مختلف مقامات کو دیکھنے کے کا کوئی موقع جانے نہ دوں۔
واضح رہے کہ اپنے دور میں جونٹی رہوڈز کا شمار جنوبی افریقہ کے خطرناک فیلڈرز میں ہوتا تھا ان کے پاس گیند جاتے ہوئے اکثر بلے باز رن لیتے ہوئے ڈرتے تھے، جونٹی رہوڈز نے ورلڈ کپ میں انضمام الحق کو رن آؤٹ کرکے کافی شہرت پائی تھی۔