نوشہرو فیروز: عزیز میمن کے بھائی نے اسٹینڈنگ کمیٹی میں پیش کی گئی پوسٹ مارٹم رپورٹ مسترد کردی۔
اے آر وائی نیوز کے مطابق صحافی کے بھائی حفیظ میمن نے کہا ہے کہ ایسی رپورٹ پیش کرکے بھائی کے قتل کے ساتھ مذاق کیا جارہا ہے، انوسٹی گیشن ایس ایس پی تنویر تنیو کے حوالے کرنے کا مطالبہ کیا تھا، مطالبے کے باوجود انوسٹی گیشن 2ضلعوں میں تقسیم ہوکر چلتی رہی۔
بھائی کا کہنا ہے کہ پوسٹ مارٹم رپورٹ کا ابھی صرف ایک حصہ آیا ہے، فائنل پوسٹ مارٹم رپورٹ آنے سے پہلے موت طبعی کیسے ہوگئی؟ فائنل رپورٹ آنے سے پہلے بھائی کا قتل طبعی موت قرار دینا سازش ہے۔
حفیظ میمن نے الزام عائد کیا کہ صحافی عزیز میمن کو باقاعدہ پلاننگ کے تحت قتل کیا گیا، بھائی کی لاش کو تمام لوگوں نے دیکھا وہ طبعی موت نہیں تھی،م قتل کی تحقیقات جے آئی ٹی یاجوڈیشل کمیشن سے کرائی جائے۔
صحافی عزیز میمن کی پوسٹ مارٹم رپورٹ جاری
خیال رہے کہ سندھ کے ضلع نوشہرو فیروز میں قتل ہونے والے صحافی عزیز میمن کی پوسٹ مارٹم رپورٹ لیبارٹریز اینڈ کیمیکل ایزیمائنر کراچی سے جاری کردی گئی ہے۔ ڈاکٹر شاہد مصطفیٰ کے مطابق عزیز میمن کے جسم کے 15 سیمپل موصول ہوئے، سیمپلز میں مرحوم کے کپڑے اور بوٹ بھی شامل تھے، موت طبعی ہے۔
