ڈی آئی خان : ڈیرہ اسماعیل خان سے جے یو آئی ف کے امیدوار نے کتاب کے بجائے ‘ماچس کی ڈیبا’ کا نشان ملنے پر الیکشن کمیشن سے رجوع کرلیا۔
تفصیلات کے مطابق پاکستان میں 8 فرروی کو الیکشن کا انعقاد ہونے جارہا ہے ، عام انتخابات میں غلط انتخابی نشانات کی الاٹمنٹ سے سیاسی پارٹیاں اور آزاد امیدوار پریشان ہیں۔
جے یو آئی ف کے امیدوار کو کتاب کے بجائے”ماچس کی ڈیبا” کا نشان الاٹ کردیا گیا ، جس پر پیپلزپارٹی ، پی ٹی آئی کے بعد جے یوآئی امیدوار نے بھی الیکشن کمیشن سے رجوع کر لیا ہے۔
- Advertisement -
جے یوآئی رہنما کامران مرتضیٰ کی جانب سے الیکش کمیشن میں درخواست جمع کرادی گئی، جس میں کہا ہے کہ ڈیرہ اسماعیل خان سے جےیوآئی کےٹکٹ ہولڈر کوغلط انتخابی نشان الاٹ کیا گیا۔
دوسری جانب آزاد امیدوارشوکت بسرا نے بھی انتخابی نشان کی تبدیلی کیلئے الیکشن کمیشن میں درخواست دے دی۔
