اسلام آباد : اسلام آباد ایئرپورٹ پر مولانا فضل الرحمان کے خلاف نعرے بازی کرنے پر جمعیت علماءاسلام کے کارکنان نے نوجوان کو بدترین تشدد کا نشانہ بنایا۔
تفصیلات کے مطابق جے یو آئی سربراہ مولانا فضل الرحمٰن کی دورہ کابل کے بعد اسلام آباد ایئرپورٹ آمد کے موقع پر اسلام آباد ایئرپورٹ پر چند نوجوانوں کو مولانا فضل الرحمٰن کے خلاف نعرے بازی مہنگی پڑ گئی۔
جب جے یو آئی کارکنان مولانا فضل الرحمٰن کے حق میں نعرے لگا رہے تھے تو چار پانچ نوجوانوں نے ان کے خلاف نعرے لگانے شروع کردیئے۔
جے یو آئی کی رضاکار فورس انصار الاسلام اور کارکنوں نے مولانا کے خلاف نعرے لگانے والوں کا پیچھا کیا۔
جے یو آئی کے کارکنوں نے مولانا فضل الرحمنٰ کے خلاف نعرے لگانے والے ایک نوجوان کو پکڑ اور گھونسوں مکوں سے دھلائی کردی جبکہ تین چار نوجوان بھاگنے میں کامیاب ہوگئے۔
جے یو آئی کارکنان کے تشدد کا نشانہ بننے والے نوجوان کو معافی مانگنے پر چھوڑ دیا۔
