site
stats
اہم ترین

جنید جمشید کی نماز جنازہ فوجی اعزاز کے ساتھ ادا

اسلام آباد: قومی ائیرلائن پی آئی اے کی پرواز پی کے 661 کو پیش آنے والے حویلیاں حادثے میں شہید ہونے والے معروف مبلغ جنید جمشید کی نماز جنازہ نور خان ائیربیس پر ادا کردی گئی‘ جس میں تینوں مسلح افواج کے افسران سمیت دیگر اہم شخصیات نے شرکت کی۔

تفصیلات کے مطابق طیارہ حادثے میں شہید ہونے والے معروف مبلغ جنید جمشید کی نماز جنازہ نورائیربیس پر ادا کردی گئی جس میں ائیرچیف مارشل سہیل امان سمیت تینوں مسلح افواج کے افسران‘ جنید جمشید کے بھائی‘  مولانا طارق جمیل ، اے آر وائی کے اینکر وسیم بادامی سمیت دیگر معروف شخصیات نے شرکت کی۔ نماز جنازہ کے موقع پر رقت آمیز مناظر دیکھنے میں آئے۔

جنید جمشید کے جسد خاکی کو قومی پرچم میں لپیٹا گیا اورفوجی اعزاز کے بعد اُن کی میت سی ون تھرٹی کے خصوصی طیارے کے ذریعے کراچی منتقل کردی گئی، جہاں اُن کی نماز جنازہ کل بروز جمعرات ڈیفنس میں واقع معین خان اکیڈمی میں بعد نماز ظہر ادا کی جائے گی، نماز جنازہ سے قبل مولانا طارق جمیل بیان بھی کریں گے۔


پڑھیں: ’’ جنید جمشید کا سفر زندگی ‘‘


جنید جمشید کی تدفین دارالعلوم کورنگی میں کی جائے گی جہاں اُن کی وصیت کے مطابق قبر تیار کی جاچکی ہے۔

دوسری جانب طیارہ حادثے میں جاں بحق ہونے والے 16 افراد کی شناخت کے بعد اُن کی نماز جنازہ پمز اسپتال کے باہر ادا کردی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top