اسلام آباد نامزد چیف جسٹس آصف سعید کھوسہ نے اپنا لائحہ عمل بتاتے ہوئے کہا سوموٹو کا اختیاربہت کم استعمال کیا جائے گا، بطورچیف جسٹس انصاف کی فراہمی میں تعطل دورکرنےکی کوشش کروں گا، کہاجاتا ہے، فوجی عدالتوں میں جلدفیصلے ہوتے ہیں،ہم کوشش کریں گے سول عدالتوں میں بھی جلد فیصلےہوں، میری رگوں میں بلوچ خون دوڑ رہاہے، آخری دم تک لڑوں گا۔
تفصیلات کے مطابق نامزد چیف جسٹس آف پاکستان آصف سعید کھوسہ نے چیف جسٹس ثاقب نثار کے اعزاز میں فل ریفرنس سے خطاب کرتے ہوئے کہا چیف جسٹس ثاقب نثارکےساتھ 20سال سے ہوں، ایک ساتھ ہم لاہور ہائی کورٹ کے جج بنے، ایک ساتھ جڑےہوئےبچوں کی طرح ہیں جوآج الگ ہوجائیں گے، کسی سرجری کےساتھ نہیں بلکہ آئین کے تحت الگ ہوں گے۔
جسٹس آصف سعید کھوسہ کا کہنا تھا کہ چیف جسٹس ثاقب نثار نے بہت مشکل حالات میں عدالت چلائی، سیاسی،سماجی،معاشرتی اورآئینی سمیت کئی طرح کی مشکلات کاسامناکیا، چیف جسٹس کی انسانی حقوق کے حوالے سے خدمات یاد رکھی جائیں گی۔
کہاجاتاہے فوجی عدالتوں میں جلدفیصلے ہوتےہیں، ہم کوشش کریں گےسول عدالتوں میں بھی جلد فیصلے ہوں
نامزد چیف جسٹس نے کہا سوموٹو کااختیاربہت کم استعمال کیا جائے گا، بطورچیف جسٹس انصاف کی فراہمی میں تعطل دورکرنےکی کوشش کروں گا ، کہاجاتاہے فوجی عدالتوں میں جلدفیصلے ہوتےہیں، ہم کوشش کریں گےسول عدالتوں میں بھی جلد فیصلے ہوں،ملٹری کورٹس میں سویلین کاٹرائل دنیامیں غلط سمجھاجاتاہے۔
ان کا مزید کہنا تھا کہ عدلیہ نےکہاں دوسرے اداروں کے اختیارات میں مداخلت کی؟ مقننہ کاکام بھی صرف قانون سازی ہے ترقیاتی فنڈزدینانہیں، مقننہ کاکام ٹرانسفرپوسٹنگ بھی نہیں، فوج اورحساس اداروں کاسویلین معاملات میں دخل نہیں ہونا چاہیے، ہائی کورٹ کو اپنے اختیارات حدود کے اندر رہ کر استعمال کرنے چاہئیں۔
چیف جسٹس ثاقب نثار کی طرح میں بھی ڈیم تعمیرکرناچاہتاہوں
جسٹس آصف نے کہا جمہوری استحکام کےلئےتمام ریاستی اداروں کافعال ہونا ضروری ہے، ملک کی ترقی کےلیےتمام اداروں کومل کر کام کرناچاہیے،بات کرنی چاہیےکس ادارے نے کہاں دوسرے کے کام میں مداخلت کی؟ صدرپاکستان کی سربراہی میں چارٹر آف گورننس پر بحث کی ضرورت ہے۔
میری رگوں میں بلوچ خون دوڑرہاہے،آخری دم تک لڑوں گا
ان کا مزید کہنا تھا کہ چیف جسٹس ثاقب نثار کی طرح میں بھی ڈیم تعمیرکرناچاہتاہوں، میں بھی ان کی طرح ملک کاقرضہ اتارنا چاہتاہوں، میں ڈیم جعلی مقدمات کےخلاف بناؤں گا، مقدمات کی تاخیر کے خلاف ڈیم بناؤں گا، میری رگوں میں بلوچ خون دوڑرہاہے،آخری دم تک لڑوں گا۔
جسٹس آصف سعید کھوسہ نے کہا عرصہ دراز سےزیرالتوامقدمات کاقرض اتاروں گا، اس وقت عدالتوں میں انیس لاکھ کیسز زیرالتوا ہیں، تین ہزارججز انیس لاکھ مقدمات نہیں نمٹا سکتے۔ تاہم ماتحت عدلیہ میں زیر التوامقدمات کےجلدتصفیہ کی کوشش کی جائےگی۔ غیر ضروری التواروکنےکےلیے جدید آلات کااستعمال کیاجائےگا۔
نامزد چیف جسٹس کا کہنا تھا کہ جمہوری استحکام کےلئےتمام ریاستی اداروں کافعال ہونا ضروری ہیں ، میں اورتمام ججزجسٹس ثاقب نثارکی کمی محسوس کریں گے۔
