اوٹاوا: کینیڈین وزیراعظم جسٹن ٹروڈو کے ہم شکل ’افغان ٹروڈو‘ نے سوشل میڈیا پر دھوم مچادی۔
غیرملکی خبررساں ادارے کے مطابق کینیڈین وزیراعظم جسٹن ٹروڈو کے ہم شکل ایک ویڈیو سوشل میڈیا پر وائرل ہورہی ہے جس میں انہیں گنگناتے ہوئے دیکھا جاسکتا ہے۔
کینڈین وزیراعظم کے ہم شکل ’افغان ٹروڈو‘ (عبدالسلام مفتون) کا تعلق افغانستان سے ہے اور وہ افغانستان کے رئیلٹی شو افغان اسٹار میں حصہ لے رہے ہیں۔
عبدالسلام مفتون رئیلٹی شو میں کئی مواقع پر باہر ہوتے ہوتے بچے ہیں اور افغان اسٹار کے 14 سیزن میں پہلے پوزیشن حاصل کرنے کے خواہش مند ہیں۔
@Afghan_Star TV Show contestant #Salam_Maftoon, folk vocalist, became more popular as he looks so much like Canadian PM @JustinTrudeau pic.twitter.com/Su14nNDQZ3
— Aziz Faayez عزیزفایز (@AzizFayeez) January 7, 2019
میڈیا رپورٹس کے مطابق سلام مفتون سنگر ہیں اور افغان صوبے بدخشاں میں میوز کے طالب علم بھی ہیں، سلام ٹروڈو بال اور آئی برو بھی کینیڈین وزیراعظم کی طرح ہیں۔
افغان میڈیا کے مطابق سلام مفتون رئیلٹی شو سے اتنے مشہور نہیں ہوئے جتنا کہ کینڈین وزیراعظم جسٹن ٹروڈو سے مشابہ ہونے کی وجہ سے انہیں شہرت ملی ہے۔
This guy looks exactly like Trudeau. If rattles my brain https://t.co/Lp70xor3vR
— Leo Sieczka (@LeoSieczka) January 8, 2019
سوشل میڈیا صارف لیو سیزکا کا کہنا ہے کہ عبدالسلام مفتون ہو بہو کینڈین وزیراعظم جیسے نظر آتے ہیں، ایک اور صارف کا کہنا تھا کہ میں شو میں افغان ٹروڈو کو دیکھ کر حیران رہ گیا۔
رئیلٹی شو افغان اسٹار میں عبدالسلام مفتون نے ایک اور ایلی منیشن راؤنڈ کلیئر کرلیا ہے اور اگلے مرحلے کے لیے کوالیفائی کرلیا ہے۔
واضح رہے کہ رئیلٹی شو امریکا کے شو دی وائس سے متاثر ہوکر بنایا گیا ہے جسے افغان اسٹار کا نام دیا گیا۔