The news is by your side.

کراچی: سائٹ ایریا میں کے الیکٹرک کے دفتر پر خواتین کا پتھراؤ

کراچی کے علاقے سائٹ ایریا میں کے الیکٹرک کے دفتر پر خواتین نے دھاوابول دیا۔

اے آر وائی نیوز کے مطابق کراچی کے مختلف علاقوں میں کے الیکٹرک کی لوڈشیڈنگ اور اوور بلنگ کے خلاف شہری سراپا احتجاج بن گئے۔

کے الیکٹرک کے خلاف ملیر، کورنگی، نیشنل ہائی وے، بن قاسم سائٹ ایریا، میٹروول اور لانڈھی میں احتجاج کیا گیا۔

مظاہرین کی جانب سے اوور بلنگ اور لوڈشیڈنگ کے خلاف دفاتر میں توڑ پھوڑ اور ہنگامہ اآرائی کی گئی۔

خواتین کا کہنا ہے کہ بجلی بارہ بارہ گھنٹے غائب رہتی ہے اور بل گزشتہ ماہ سے زیادہ بھیج دیے گئے ہیں کے الیکٹرک کی اوور بلنگ کی وجہ سے جینا محال ہوگیا ہے۔

حافظ نعیم الرحمان کا ردعمل

امیر جماعت اسلامی کراچی حافظ نعیم نے کہا کہ کراچی میں اوور بلنگ کی مذمت کرتا ہوں بلز سے فیول ایڈجسٹمنٹ ختم کیا جائے۔

انہوں نے کہا کہ کے الیکٹرک کی اوور بلنگ کی وجہ سے غریب طبقہ بالخصوص متاثر ہوا ہے  گھنٹوں لوڈشیڈنگ کے باوجود اضافی بلز سمجھ سے بالاتر ہے۔

Comments

یہ بھی پڑھیں