کراچی : کے الیکٹرک نے نیشنل گرڈ کی مین لائن میں فنی خرابی کے باعث مختلف علاقوں میں لوڈ شیڈنگ کا دورانیہ بڑھادیا۔
تفصیلات کے مطابق نیشنل گرڈ کی مین لائن میں فنی خرابی کے باعث کراچی کو بجلی کی فراہمی میں کمی کردی گئی، جس کے بعد کے الیکٹرک نے مختلف علاقوں میں لوڈ شیڈنگ کا دورانیہ بڑھادیا۔
بجلی کی لوڈ شیڈنگ والے علاقوں میں دورانیے میں 2 سے 3 گھنٹے کا اضافہ کردیا گیا جبکہ مستثنیٰ علاقوں میں بھی 1 سے 2 گھنٹے کی لوڈ شیڈنگ شروع کردی ہے۔
- Advertisement -
اس حوالے سے ترجمان کےالیکٹرک نے بتایا کہ 500کےوی جامشورواین کے آئی سرکٹ پرعارضی فالٹ ہے، عارضی فالٹ کے باعث کراچی کو بجلی فراہمی محدود ہے۔
ترجمان کا کہنا تھا کہ این ٹی ڈی سی عملہ فالٹ کی جلد درستی کیلئے سرگرم ہے، محدود سپلائی کے سبب طلب ورسد کے شارٹ فال میں اضافہ ہوسکتا ہے۔
