site
stats
عالمی خبریں

کابل میں خود کش حملہ، 24 افراد ہلاک، متعدد زخمی

کابل : افغانستان کے دارالحکومت کابل کے وسطی علاقے میں خودکش حملے میں چوبیس افراد ہلاک اوردوسو افراد زخمی ہوگئے۔

افغان میڈیا کے مطابق دھماکہ امریکی سفارتخانے کے قریب افغان سیکرٹ سروس کے دفترکے باہرہوا۔ خودکش حملہ آور نے بارود سے بھری کاراڑا دی۔

افغان سکیورٹی حکام کا کہنا ہے کہ خود کش حملہ آور نے دھماکہ خیز مواد سے بھری کار افغان انٹیلی جنس ایجنسی این ڈی ایس کے دفتر کے قریب پلِ محمود خان پر آرمی کے قافلے سے ٹکرادی جس کے نتیجے میں 24 افراد ہلاک جبکہ 200 زخمی ہوگئے.

دھماکہ اتنا شدید تھا کہ اس کی آواز کئی میل دور تک سنی گئی۔ عینی شاہدین کا کہنا ہے کہ دھماکے کے بعد کافی دیر تک علاقے میں شدید فائرنگ ہوتی رہی، دھماکے کے بعد امریکی سفارت خانے میں سائرن بجائے گئے۔

علاقے کی ناکہ بندی کرکے سرچ آپریشن شروع کردیا گیا ہے۔ زخمیوں اور لاشوں کو ہسپتالوں میں منتقل کردیا گیاہے۔ افغان صدراشرف غنی نے دھماکے کی مذمت کرتے ہوئے کہا ہے کہ دھماکہ دہشت گردوں کی شکست ہے۔ دہشت گرد افغان فورسز سے جنگ میں پسپا ہورہے ہیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top