کاجول نے اپنی آئیکونک فلم کے 26 سال مکمل ہونے پر سوشل میڈیا پر خصوصی پیغام جاری کیا ہے اور ’عشق‘ میں کام کرنے والے اداکاروں کو شاندار قراردیا۔
نوے کی دہائی کی سپر ہٹ فلم’عشق‘ میں اداکارہ کاجول ان کے شوہر اجے دیوگن، جوہی چاؤلہ اور عامر خان نے مرکزی کردار ادا کیا تھا۔ اداکارہ نے 28 دسمبر کو فلم کے 26 سال مکمل ہونے پر اپنی اور ساتھیوں کی ایک پرانی تصویر شیئر کی اور کہا کہ ’ہم سب کتنے شاندار اداکار تھے نہ۔‘
رومانوی ایکشن کامیڈی ’عشق‘ 1997 میں سینما گھروں کی زینت بنی تھی۔ اندر کمار کی ہدایت کاری میں بننے والی اس فلم میں جانی لیور اور موہن جوشی نے بھی معاون کردار نبھائے تھے۔
انسٹاگرام پر 15.5 ملین فالوورز رکھنے والی اداکارہ نے کیپش میں لکھا کہ ’یہ تصویر اس وقت لی گئی تھی جب ہم نے سوئٹزرلینڈ کی پہاڑیوں میں چہل قدمی کرتے ہوئے دن گزارا تھا۔ آپ اندازہ نہیں کر سکتے کہ ہم اس وقت کتنے تھکے ہوئے تھے، ہم کتنے شاندار اداکار تھے نہ۔‘
کاجول نے اپنی اس پوسٹ میں اجے دیوگن اور جوہی چاؤلہ کو بھی ٹیگ کیا۔ مداحو کاجول کی اس پوسٹ کو کافی پسند کررہے ہیں ایک صارف نے لکھا کہ ’اولڈ ایز گولڈ‘۔
ایک شخص نے لکھا کہ ’کاجول میم آپ اب بھی کمال ہیں‘، ایک صارف نے کمنٹ کیا کہ ’سینما میں عامر اور جوہی کی مضبوط کیمسٹری ہے، آپ لوگ بہت اچھے ہیں‘۔
