لاہور: قومی کرکٹ ٹیم کے سابق کپتان اور وکٹ کیپر کامران اکمل نے احتجاجاً پاکستان سپرلیگ 7 چھوڑنے کا اعلان کردیا۔
اے آر وائی نیوز کے مطابق پاکستان سپرلیگ 7 کی فرنچائز پشاور زلمی نے کامران اکمل کو سلور کیٹگری میں پک کیا، جس کے بعد انہوں نے احتجاجاً پی ایس ایل 7 سے دستبرداری کا اعلان کیا۔
کامران اکمل نے کہا کہ پی ایس ایل 6 میں جب پلاٹینیم سےگولڈ کیٹگری میں شامل کیا گیا تو میں نے زلمی مینیجمنٹ کے سامنے اپنے تحفظات پیش کیے گئے، جس پر میجمنٹ نے آئندہ برس کیٹگری میں ترقی دینے کی یقین دہانی کرائی تھی۔
مزید پڑھیں: ’’اپنا معاملہ اللہ کے سپرد کرتا ہوں‘‘ کامران اکمل ڈراپ کیے جانے پر مایوس
یہ بھی پڑھیں: کامران اکمل اور عبدالرزاق کے درمیان جھڑپ
سابق کپتان نے کہا کہ سلورکیٹیگری میں نوجوان کھلاڑیوں کے نام شامل کرنا چاہیں، میرا خیال ہے کہ اس تمام صورت حال میں مجھے پی ایس ایل سے علیحدگی ہی اختیار کرنا چاہیے جو میرے اور نئے کھلاڑیوں کے لیے بہتر ہے۔
قبل ازیں پی ایس ایل ڈرافٹنگ میں پشاور زلمی نے کامران اکمل کو سلور کیٹگری میں پک کر کے دیگر چار کیٹگریز سے 18 رکنی اسکواڈ کا انتخاب کیا۔
