ممبئی: بھارت کے معروف مزاحیہ اداکار کپل شرما نے پاکستان آنے کی خواش کا اظہار کردیا۔
کپل شرما نے سماجی رابطے کی ویب سائٹ ٹویٹر پر اپنے فالوورز کے لیے ایک سیشن رکھا جس میں انہوں نے مداحوں کے مختلف سوالات کے جوابات بھی دیے۔
ایک صارف نے کپل شرما سے دریافت کیا کہ ’پاکستان آنے کی کوئی امید ہے؟، پاکستانی مداحوں کے لیے کوئی ایک لفظ کہہ دیں‘۔
اس ٹویٹ کے جواب میں کپل نے لکھا کہ ’میں شری کرتار پور صاحب کا دورہ کرنا چاہتا ہوں، مگر دیکھنا یہ ہے کہ یہ خواہش کب پوری ہوتی ہے‘۔
I want to visit shri kartarpur sahib .. let’s see when 🙏 https://t.co/TBCO0cW1sY
— Kapil Sharma (@KapilSharmaK9) January 28, 2021
واضح رہے کہ پنجاب کے ضلع نارروال کے علاقے شکر گڑھ میں سکھ برداری کا مقدس ترین مقام موجود ہے، جہاں ہر سال لاکھوں بھارتی سکھ زیارت کے لیے آتے ہیں۔
مزید پڑھیں: کرتار پور راہداری کی پہلی سالگرہ شایان شان انداز میں منائی جائے گی
حکومت پاکستان نے 2019 میں کرتار پور راہداری منصوبے کا آغاز کیا جس کے تحت سکھ یاتری کرتار پور آتے ہیں۔ تحریک انصاف کی حکومت کے اس اقدام کو دنیا بھر میں سراہا گیا تھا۔
کرتاپور راہداری کھلنے کے بعد اب تک بھارت سے ہزاروں کی تعداد میں سکھ زیارت کے لیے کرتار پور آچکے ہیں، جن میں معروف اداکار اور شخصیات بھی شامل ہیں۔