کراچی: شہر قائد کے علاقے سعود آباد میں دوست کے گلے میں پھندا ڈال کر قتل کی کوشش کرنے والا 14 سالہ لڑکا گرفتار ہو گیا۔
سعود آباد پولیس نے ایک بیان میں کہا ہے کہ 13 سالہ بچے معیز پر بدترین تشدد کرنے والے 14 سالہ دوست عبید کو گرفتار کر لیا گیا ہے۔
پولیس حکام نے کہا دونوں دوستوں کے درمیان معمولی بات پر جھگڑا ہوا تھا، جس پر 13 سالہ معیز کو عبید نے بدترین تشدد کا نشانہ بنایا، عبید نے معیز کے گلے میں پھندا ڈال کر اسے جان سے مارنے کی کوشش کی۔
اسکول بیگ میں اسلحہ اسمگل کرنے والے ملزم کو عدالت نے جیل بھیج دیا
متاثرہ لڑکے معیز کے والد کی مدعیت میں تھانہ سعود آباد میں اقدام قتل کا مقدمہ درج کر لیا گیا ہے، مقدمے کے متن کے مطابق دونوں بچے سعود آباد جی ایریا میں درزی کی دکان پر کام کرتے ہیں، ملزم عبید نے معیز کو کھیلنے کے بہانے اسکول میں بلا کر تشدد کا نشانہ بنایا۔
Comments
- Advertisement -
