کراچی : باپ بیٹی کے قتل میں ملوث تین ملزمان کو گرفتار کرلیا گیا، ملزمان نے24ستمبرکو ڈکیتی مزاحمت پرباپ بیٹی کوقتل کیا تھا۔
تفصیلات کے مطابق کراچی میں کورنگی صنعتی ایریا تفتیشی پولیس نے کارروائی کرتے ہوئے باپ،بیٹی کےقتل میں ملوث3 ملزمان کو گرفتار کرلیا۔
پولیس نے بتایا کہ ملزمان میں طارق ،فاروق اور زوہیب شامل ہیں، ملزمان نے24ستمبرکوکورنگی صنعتی ایریامیں ڈکیتی مزاحمت پرباپ بیٹی کوقتل کیا تھا۔
پولیس کا کہنا تھا کہ 3 موٹرسائیکلوں پر سوار6ڈاکوسروس روڈپرواردات کررہےتھے، ملزمان میں سےایک ڈاکوکومقتول طاہرنےپکڑلیاتھا، مقتول طاہر کے ہاتھوں پکڑے گئے ایک ملزم کےساتھیوں نےفائرنگ کی، ڈاکوؤں کی فائرنگ سے طاہر زمان اوردو سالہ بیٹی انعم جاں بحق ہوگئی۔
کراچی:2ملزمان کاسندھ سےتیسرے ملزم کاتعلق جنوبی پنجاب سےہے، گرفتارملزمان اسٹریٹ کرائم کی وارداتوں کےلئےکراچی آتےتھے تاہم ملزمان کے 3 فرار ساتھیوں کی تلاش کیلئے چھاپےمارے جا رہے ہیں۔
