کراچی : نارتھ کراچی میں نوجوان گھر کے دروازے پر لٹ گیا، مسلح ملزمان سیکیورٹی گارڈ کی موجودگی میں موبائل فون چھین کر فرار ہوگئے۔
تفصیلات کے مطابق حکومت سندھ اورپولیس کراچی میں بت لگام ڈاکو کو قابو کرنے میں ناکام ہے، کراچی کے علاقے نارتھ کراچی 11 بی میں 3 نوجوان گھر کے باہر لٹ گئے۔
واردات کی سی سی ٹی وی فوٹیج اے آر وائے نیوز کو موصول ہوگئی ، جس میں موٹرسائیکل سوار 3 نوجوان کو گھر کے باہر رکتے دیکھا جاسکتا ہے۔
فوٹیج میں دیکھا جاسکتا ہے کہ جیسے ہی تینوں نوجوان اپنے گھر کے باہر رکتے ہیں پیچھے سے 2 ڈکیٹ پہنچ جاتے ہیں جس میں سے ایک نوجوان صورتحال بھانپ جاتا ہے اور دوسری جانب دوڑتا ہے۔
مسلح ملزم نے پہلے ایک نوجوان سے موبائل فون چھینا دوسرے نے مزاحمت کی کوشش کی تو ملزم نے پستول دکھا کر جھپٹا مارا اور فرار ہوگئے۔
لوٹ مار کے وقت گلی میں سیکیورٹی گارڈ بھی موجود تھا ملزمان کے فرار ہونے کے بعد بھی نوجوان گارڈ کو آتا دیکھتے رہے، سیکیورٹی گارڈ چلتا ہوا آیا تو لٹنے والے نوجوان نے برہمی کا اظہار کیا۔
