کراچی: نارتھ ناظم آباد سے ایک شخص کی گولی لگی لاش برآمد ہوئی ، پولیس کا کہنا ہے کہ مقتول کوسرمیں گولی ماری گئی۔
تفصیلات کے مطابق کراچی کے علاقے نارتھ ناظم آباد لنڈی کوتل چورنگی کے قریب کار سے ایک شخص کی لاش ملی ، مقتول کو فائرنگ کر کے قتل کیا گیا ہے۔
پولیس حکام نے بتایا کہ مقتول کو سر میں گولی مار کر قتل کیا گیا ہے، لاش کار کی پچھلی سیٹ سے ملی ، جس کی شناخت مرصل صدیقی کے نام سے ہوئی ہے، مرصل صدیقی ایک کال سینٹرمیں ملازم تھا۔
- Advertisement -
حکام کا کہنا تھا کہ گاڑی سے پستول یا خول نہیں ملا تاہم کار کا فرانزک کیا جا رہا ہے اور لاش عباسی شہید اسپتال منتقل کردی گئی۔
عینی شاہدین کے مطابق رات گئے کسی نے کار پارک کی تھی، چوکیدار نے لاش گاڑی میں دیکھ کر پولیس کو اطلاع دی۔
