کراچی : زمزمہ اسٹریٹ پرکم عمر ڈرائیور کے ہاتھوں پولیس اہلکار کی ہلاکت کے واقعے کی سی سی ٹی وی فوٹیج سامنے آگئی۔
تفصیلات کے مطابق کراچی کے علاقے زمزمہ اسٹریٹ پر کار کی ٹکر سے سیکیورٹی زون کے اہلکار کامران
کے جاں بحق ہونے کے واقعے کی سی سی ٹی وی فوٹیج سامنے آگئی ، جس میں دیکھا جاسکتا ہے کہ حادثہ کیسے پیش آیا اور قصور وار کون تھا۔
فوٹیج میں اہلکار کامران کو سڑک کی دوسری جانب سے آتے دیکھا جاسکتا ہے ، کامران نے ایک سڑک کراس کی اور فٹ پاتھ پر آگیا، اہلکار کامران دوڑ کر سڑک کی دوسری جانب جانا چاہتاتھا۔
اس دوران کامران جیسے ہی سڑک کے بیچ پہنچا تیز رفتارکارسامنےسےآئی ، گاڑی نے اہلکار کو ٹکر مار کر 10 فٹ سے زیادہ اوپراچھال دیا، اہلکار دور تک کار کے ساتھ رگڑ کھاتا ہوا جاتا رہا۔
واقعے کا مقدمہ جاں بحق اہلکار کے بھائی شہزاد کی مدعیت میں نوجوان حسن کے خلاف کلفٹن میں مقدمہ درج کرلیا گیا ہے۔
مدعی مقدمے نے بتایا کہ صبح 7 بجے ڈیوٹی کیلئے پبلک ٹرانسپورٹ کے ذریعے جارہا تھا، فون پر اطلاع ملی کے بھائی کا ڈیوٹی پر جاتے ہوئے ایکسیڈنٹ ہوگیا ہے، میرے بھائی کو غفلت لاپرواہی تیز رفتاری سے گاڑی چلاتے ہوئے یونیفارم میں ٹکر ماری۔
بھائی شہزاد کا کہنا تھا کہ بھائی کو سر کے پچھلی جانب چوٹیں آئی اور بائیں ٹانگ درمیان سے ٹوٹ گئی، جسم پر شدید چوٹیں آنے کے باعث بھائی جاں بحق ہوگیا ، کم عمر ڈرائیور کیخلاف قانونی کارروائی کی جائے۔
یاد رہے گزشتہ روز پیش آئے واقعے کے بعد پولیس نے کم عمر ڈرائیور کو حراست میں لے لیا تھ
