کراچی : کال سینٹر میں ویڈیو بناتے ہوئے میٹرک کے طالب علم عبداللہ کی موت کی سی سی ٹی وی فوٹیج سامنے آگئی۔
تفصیلات کے مطابق کراچی کے علاقے لیاقت آباد کال سینٹرمیں فائرنگ سے نوجوان کی موت کے واقعے میں کال سینٹرکے باہر کی سی سی ٹی وی فوٹیج سامنے آگئی، فوٹیج فائرنگ سےپہلےاوربعد کی ہے۔
ٕجس میں دیکھا جاسکتا ہے نوجوان عبداللہ کال سینٹر میں اپنے دوست کے ہمراہ داخل ہوا ، دونوں کال سینٹرمیں جانے کے لیے پیدل پہنچے۔
- Advertisement -
فائرنگ کےبعد عبداللہ کے دوست کو باہر نکلتے دیکھا جاسکتا ہے، پولیس کے مطابق زیرحراست مبینہ ملزم نے بیان میں کہا کال سینٹرمیں پستول سے ویڈیو بنا رہے تھے، ویڈیو بناتے ہوئے اچانک گولی چل گئی۔
حکام کا کہنا تھا کہ جائے وقوعہ سے ملنے والا پستول کال سینٹر کے مالک کا ہے ،پستول کال سینٹر میں موجود ٹیبل کی دراز میں رکھا رہتا تھا۔
