کراچی: پی ٹی آئی کے رکن اسمبلی عامر لیاقت ایک بار پھر رشتہ ازدواج میں منسلک ہوگئے ہیں۔
تفصیلات کے مطابق عامر لیاقت نے تیسری شادی کرلی، گذشتہ روز ان کی نکاح کی تقریب کراچی کے مقامی ہوٹل میں ہوئی، تقریب میں خصوصی افراد نے شرکت کی۔
نکاح کی تقریب میں پی ٹی آئی کی جانب سے صرف رکن صوبائی اسمبلی جمال صدیقی شریک ہوئے، جمال صدیقی عامر لیاقت کے ساتھ ایم پی اے ہیں۔
ڈاکٹر عامر لیاقت نے انسٹاگرام پر اپنی تیسری اہلیہ کے ساتھ تصویر سوشل میڈیاپر شیئر کی جس میں وہ دلہن بنی بیٹھی ہیں اور وہ ان کی طرف دیکھ رہے ہیں، اس تصویر کے ساتھ انہوں نے تفصیل درج کرتے ہوئے بتایا کہ ’’ گزشتہ شب ہم شادی کے بندھن میں بندھ گئے۔
اٹھارہ سالہ دانیہ شاہ کا تعلق لودھراں کے ’’ سادات ‘‘ سے ہے ، وہ سرائیکی ہیں، میں اپنے تمام چاہنے والوں سے گزارش کرنا چاہتاہوں کہ ہمارے لیے دعا کریں، میں ابھی اندھیروں سے نکلا ہوں ، یہ ایک غلط موڑ تھا۔‘‘
View this post on Instagram
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔