The news is by your side.

Advertisement

کراچی، ایم کیو ایم رکن اسمبلی کے گھر پر فائرنگ، 2 افراد زخمی

کراچی: متحدہ قومی موومنٹ پاکستان (ایم کیو ایم) کے رہنما صداقت حسین کے گھر پر نامعلوم ملزمان فائرنگ کرکے فرار ہوگئے۔

اے آر وائی نیوز کی رپورٹ کے مطابق ایم کیو ایم پاکستان کے رکن صوبائی اسمبلی صداقت حسین کے گھر پر فائرنگ کی گئی ہے، فائرنگ سے صداقت عباسی کے بھائی اور بہنوئی زخمی ہوگئے۔

ریسکیو ذرائع کا کہنا ہے کہ فائرنگ کے دونوں زخمیوں کو طبی امداد کے لیے اسپتال منتقل کیا جارہا ہے۔

پولیس اور قانون نافذ کرنے والے اداروں نے صداقت حسین کے گھر کے اطراف کا حصہ گھیراؤ میں لے کر تحقیقات کا آغاز کردیا۔

پولیس کا کہنا ہے کہ ایم کیو ایم رہنما کے گھر پر نامعلوم موٹر سائیکل سواروں نے فائرنگ کی ہے واقعے کی تحقیقات جاری ہے ابھی کچھ بھی کہنا قبل ازوقت ہوگا۔

واضح رہے کہ صداقت حسین پی ایس 117 سے ایم کیو ایم کے ٹکٹ پر رکن منتخب ہوئے تھے۔

Comments

یہ بھی پڑھیں