The news is by your side.

Advertisement

کراچی: جمالی پل کے قریب 2 مزدوروں کے قتل کا مرکزی ملزم سعید ولی گرفتار

کراچی: سچل پولیس کی خفیہ اطلاع پر ایک کارروائی میں دوہرے قتل کے واقعے کے مرکزی ملزم کو گرفتار کر لیا گیا۔

اے آر وائی نیوز کے مطابق کراچی میں سپر ہائی وے، جمالی پل کے قریب دوہرے قتل کرنے والا مرکزی ملزم سعید ولی گرفتار کر لیا گیا۔

ملزم کے قبضے سے واردات میں استعمال ہونے والا اسلحہ اور موٹر سائیکل برآمد کر لی گئی، پولیس ٹیم نے دوہرے قتل کے اس کیس کو جدید تکنیکی سہولیات کی مدد سے حل کیا۔

کراچی میں ڈکیتی مزاحمت پر 2 نوجوان جاں بحق

ایس ایس پی ایسٹ قمر جسکانی کے مطابق دوہرے قتل کے اس کیس کے مرکزی ملزم کو ایک ہفتے کے اندر اندر ٹریس کیا گیا ہے، خیال رہے کہ قتل کا واقعہ 30 دسمبر کو پیش آیا تھا، جب لوٹ مار کے دوران مزاحمت پر دو مزدوروں کو بے رحمی سے قتل کر دیا گیا تھا۔

موٹر سائیکل چھیننے کی واردات، گولیوں سے 2 افراد کے زخمی ہونے کی فوٹیجز (بچے ویڈیو نہ دیکھیں)

مسلح ملزمان نے موٹر سائیکل پر جاتے مزدوروں کو کراچی کے علاقے سپر ہائی وے جمالی پل کے قریب رکنے کا اشارہ کیا تھا، لیکن موٹر سائیکل بھگانے پر ممتاز بھٹی اور لطیف بھٹی نامی مزدوروں کو گولیاں مار دی گئیں۔

نیوی کے ریٹائرڈ کمانڈر سے 10 لاکھ چھیننے کی واردات، دل دہلا دینے والی فوٹیجز

ایس ایس پی ایسٹ کا کہنا ہے کہ گرفتار ملزم سے اس کے ساتھیوں سے متعلق معلومات حاصل کی جا رہی ہیں، جب کہ دیگر مفرور ملزمان کی تلاش کا عمل جاری ہے، انھیں جلد گرفتار کر لیا جائے گا۔

Comments

یہ بھی پڑھیں