کراچی میں رینجرز اور پولیس نے خفیہ اطلاعات پر کارروائی کرتے ہوئے تاجر کی ٹارگٹ کلنگ میں ملوث سپاری کلر کو گرفتار کر لیا گیا۔
ترجمان رینجرز کے مطابق رینجرز اور پولیس نے اورنگی ٹاون مومن آباد میں انٹیلی جنس معلومات کی بنیاد پر مشترکہ کارروائی کرتے ہوئے سپاری کلر کو گرفتار کیا گیا ہے۔
ترجمان کا کہنا ہے کہ ٹارگٹ کلر مبشر احمد کے قبضے سے اسلحہ برآمد کیا گیا ہے ملزم نے10جون کو تاجر فداحسین کی ٹارگٹ کلنگ کی تھی۔
ترجمان کا کہنا ہے کہ واردات میں ملزم کا ساتھی افشاں خان بھی شریک تھا ابتدائی تفتیش کےدوران ملزم نے مزید انکشاف کیے ملزمان نے بنوں کے شہری ارباب سے 5 لاکھ میں سپاری لی تھی ملزمان نے رقم لینے کے بعد تاجر کو قتل کیا گیا۔
ترجمان نے کہا کہ ملزم ڈکیتیوں، بھتہ خوری اور ٹارگٹ کلنگ سمیت دیگرجرائم میں ملو ث رہا جب کہ ملزم کے دیگر ساتھیوں کی گرفتاری کےلیے چھاپے مارے جا رہے ہیں گرفتار ملزم کو اسلحہ سمیت قانونی کارروائی کیلئے پولیس کے حوالے کر دیا گیا۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔