کراچی : کورنگی میں پولیس نے رکشہ ڈرائیور سے ایک لاکھ روپے ہتھیا لیے، جس کے بعد رکشہ ڈرائیور نے پولیس کیخلاف رشوت لینے پر درخواست دے دی۔
تفصیلات کے مطابق کراچی کے علاقے کورنگی میں پولیس نے رکشہ ڈرائیور سے ایک لاکھ روپے ہتھیالیے، رکشہ ڈرائیور شفیق نے پولیس کیخلاف رشوت حبس بےجامیں رکھنے کی درخواست دی۔
متاثرہ شہری کی زمان ٹاؤن تھانے میں تفتیشی افسر اکبرغوری اور شعیب کیخلاف درخواست دی ، جس میں متاثرہ رکشہ ڈرائیور نے بیان میں کہا کہ جمعہ کی رات مجھے کورنگی 51سی میں گھر سے تفتیشی پولیس تھانے لے گئی ، پولیس نے مجھ پراگلے روز شدید تشددکیا۔
متاثرہ شہری کا کہنا تھا کہ میں نے کہا غریب ہوں رکشہ چلاتاہوں،کسی نے میری نہ سنی، بہن چھڑانے تھانے آئی تو اہلکار اکبر غوری،شعیب نے ایک لاکھ روپے مانگے، میری بہن عزیز واقارب سے ایک لاکھ روپے جمع کرکے آئی اور اکبر کو دیئے، میری رہائی کیلئے پیر کی رات بہن تھانے میں بیٹھی رہی۔
ایس ایس پی انوسٹی گیشن کورنگی نے بتایا کہ واقعے کی انکوائری کررہے ہیں، ڈی ایس پی انوسٹی گیشن سعود آباد تحقیقات کررہے ہیں۔
