کراچی : رمضان المبارک میں شہر قائد بڑی تباہی سے بچ گیا، پولیس نے بھاری تعداد میں خطرناک اسلحہ پکڑ لیا۔
تفصیلات کے مطابق ویسٹ زون پولیس نے طالبان کمانڈر احسان اللہ محسود کے کمپاؤنڈ پر کارروائی کرکے بڑی کامیابی حاصل کی، تاہم اصل ملزمان فرار ہوگئے۔
چھاپے میں کوئی دہشت گرد گرفتار نہ ہوسکا البتہ اسلحہ اور بارود کی بڑی کھیپ پکڑی گئی۔ مذکورہ خطرناک اسلحہ اگر شہرمیں پھیل جاتا تو بڑی تباہی مچ جاتی۔
بوریوں سے نکلنے والے اسلحے میں راکٹ لانچر، آوان بم، ایس ایم جیز، پستول، چار ہزار گولیاں اور کئی کلو نٹ بولٹ بھی شامل ہیں۔
اسلحےکی بھاری کھیپ منگھوپیر سے پکڑی گئی جوکالعدم تحریک طالبان کے کمانڈر احسان اللہ محسود کے کمپاؤنڈ میں چھپایا گیا تھا۔
پولیس کا کہنا ہے کہ چھاپے کی اطلاع پر اصل ملزم فرار ہوگئے تھے۔ علاقے سے تیس سے پینتیس مشتبہ افراد حراست میں لے لیے گئے۔
