کراچی : جامعہ کراچی کے قریب 84 انچ قطر لائن لیک ہونے کے باعث شہر کو پانی کی فراہمی معطل کرنے کا فیصلہ کرلیا گیا، کون کون سے علاقے متاثر ہوں گے؟
تفصیلات کے مطابق جامعہ کراچی کی اسٹاف کالونی میں پانی کی 84 انچ کی لائن پھٹ گئی، جس کے باعث پانی اسٹاف کالونی میں موجود اساتذہ کے گھروں میں داخل ہوگیا اور گھر میں زیر استعمال اشیاء خراب ہوگئی، پانی کی وجہ سے متعدد اساتذہ دوسری جگہ منتقل ہونا شروع ہوگئے ہیں۔
واٹرکارپوریشن کے ترجمان کی جانب سے کہا گیا کہ جامعہ کراچی میں پانی کی لائن متاثر ہونے کے بعد وال آپریشن روک دیا ہے ، ٹیمیں جائےوقوعہ پہنچ گئیں اور متاثرہ لائن کوچیک کیا۔
،ترجمان کا کہنا تھا کہ مرمتی کام شروع کرنے کیلئے پانی کاپریشر کم کردیاگیا ہے ، پانی کی مقدارمیں کمی کے فوراً بعد مرمتی کام شروع کیاجائے گا۔
کراچی کی خبریں
ترجمان نے بتایا کہ پانی کی لائن کامرمتی کام 96 گھنٹوں میں مکمل کرلیاجائےگا، مرمتی کام کےدوران مختلف علاقوں میں پانی کی فراہمی جزوی معطل رہے گی۔
واٹر کارپوریشن نے کہا کہ مرمتی کام کے باعث جمشید ٹاؤن، لیاقت آباد، ناظم آباد، کورنگی ،لانڈھی و دیگر علاقے متاثر ہوں گے۔
