کراچی : قصبہ کالونی قبرستان سے خاتون کی گولیاں لگی لاش برآمد ہوئی ، پولیس کا کہنا ہے کہ واقعہ غیرت کے نام پر قتل کا ہے، مقتولہ کو داماد اور شوہر نے فائرنگ کرکے قتل کیا۔
تفصیلات کے مطابق کراچی کے علاقے قصبہ کالونی قبرستان سے خاتون کی گولیاں لگی لاش ملی ہے، پولیس نے بتایا کہ مقتولہ کی شناخت پینتیس سالہ نصیب تاج زوجہ عبدالرحمان کے نام سے ہوئی ہے۔
پولیس حکام کا کہنا تھا کہ واقعہ غیرت کے نام پر قتل کا ہے، مقتولہ کو اس کے داماد ابرار اور شوہر نے فائرنگ کرکے قتل کیا۔
- Advertisement -
حکام کے مطابق مقتولہ کو اس کا داماد گھر سے باہر لے کر گیا اور قبرستان میں ملزم عبدالرحمان نے فائرنگ کرکے اپنی بیوی کو قتل کیا، واردات کے بعد ملزمان فرار ہوگئے ہیں ، جن کی تلاش جاری ہے۔
