The news is by your side.

Advertisement

رواں سال شہر قائد میں کتنے پولیس مقابلے ہوئے؟ اعدادوشمار جاری

کراچی: رواں سال شہر قائد میں کتنے پولیس مقابلے ہوئے؟ اعدادوشمار جاری کردئیے گئے۔

آئی جی کراچی غلام نبی میمن کی جانب سے جاری اعدادوشمار میں بتایا گیا کہ سال دو ہزار بائیس کے آغاز سے اب تک مجموعی طور پر شہر میں 228 پولیس مقابلے ہوئے، ان مقابلوں میں 26 ملزمان ہلاک جبکہ 262 کو زخمی حالت میں گرفتار کیا گیا۔

پولیس کے مطابق پولیس مقابلوں کے علاوہ کراچی میں پولیس نے یکم جنوری سے اٹھائیس مارچ تک دو ہزار ایک سو چھبیس ملزمان کو گرفتار کیا گیا، ماہانہ بنیاد پر گرفتار ملزمان کی تعداد کچھ اس طرح ہے۔

جنوری میں 600 ملزمان کو پولیس نے اپنی گرفت میں لیا جبکہ فروری میں یہ تعداد کچھ زیادہ رہی جہاں 778 ملزمان کو گرفتار کیا گیا جبکہ رواں ماہ میں اب تک 668 جرائم پیشہ افراد گرفتار کئے جاچکے ہیں۔

ادھر کراچی پولیس آفس میں رشوت لینے والے افسران کے گرد گھیرا تنگ کردیا گیا ہے، کے پی او ایڈمن آفس سے پولیس ملازمین کے لیے نوٹس بھی جاری ہوچکا ہے۔

یہ بھی پڑھیں: کراچی پولیس آفس میں رشوت لینے والے افسران کے گرد گھیرا تنگ

ایڈمن آفس کا کہنا تھا کہ آڈیو، ویڈیو، وائس یا ٹیکسٹ کے ذریعے معلومات شئیر کی جاسکتی ہے اور مزید معلومات کے لیے ایڈمن آفس خود شکایت کنندہ سے رابطہ کرے گا۔

دوسری جانب کراچی پولیس نے محکمے میں کالی بھیڑوں کےخلاف کریک ڈاؤن شروع کررکھاہے، اسی تناظر میں ایس ایچ او ماڈل کالونی انیس ابڑو کے خلاف مقدمہ درج کیا جاچکا ہے۔

Comments

یہ بھی پڑھیں