The news is by your side.

Advertisement

کرینہ کپور کی گاڑی کی ٹکر سے فوٹو گرافر زخمی، ویڈیو وائرل

ممبئی: بالی وڈ کی معروف اداکارہ کرینہ کپور کی گاڑی کی ٹکر سے ایک فوٹو گرافر زخمی ہوگیا جس کی ویڈیو سوشل میڈیا پر وائرل ہو رہی ہے۔

ویڈیو میں اداکارہ کرینہ کپور کو اپنے ڈرائیور پر غصے کی حالت میں چیختے دیکھا جا سکتا ہے۔ ڈرائیور نے کرینہ کپور کی تصاویر لینے کے دوران فوٹو گرافر کا پاؤں کچل دیا۔

گاڑی کا ٹائر جب فوٹو گرافر کے پاؤں پر چڑ گیا تو کرینہ کپور نے غصے میں ڈرائیور کو اشارہ کرتے ہوئے کہا کہ ”سنبھالو یار، پیچے جاؤ یار!“

یہ واقعہ اُس وقت پیش آیا جب کرینہ کپور حال ہی میں کار حادثے میں زخمی ہونے والی ملائکہ اروڑا کی عیادت کے لیے ان کی رہائش گاہ پہنچیں۔ اداکارہ کی آمد پر فوٹو گرافر کی بڑی تعداد ملائکہ اروڑا کے گھر کے باہر موجود تھی۔

کرینہ کپور نے زخمی ہونے والے فوٹو گرافر کو کہا کہ ”یہی وجہ ہے کہ آپ کو اس طرح نہیں بھاگنا چاہیے تھا۔“

 

View this post on Instagram

 

A post shared by Viral Bhayani (@viralbhayani)

خیال رہے کہ اتوار کے روز ملائکہ اروڑا خوفناک ٹریفک حادثے میں شدید زخمی ہوگئی تھیں۔ اداکارہ کو فوری طور پر اسپتال منتقل کر دیا گیا تھا۔

ملائکہ اروڑا ایک تقریب میں شرکت کے بعد پونے سے ممبئی واپس آ رہی تھیں کہ ان کی اور دیگر دو کاریں آپس میں ٹکرا گئیں۔

کھوپولی پولیس کے مطابق اداکارہ کو علاج کے لیے فوری طور پر اسپتال لے جایا گیا۔ حادثہ کیسے ہوا، اس متعلق پولیس نے تحقیقات شروع کر دیں جب کہ اس کے بعد مقدمہ درج کیا جائے گا۔

تھانہ کھوپولی کے پولیس انسپکٹر کا کہنا تھا کہ کار حادثہ ممبئی پونے ایکسپریس وے پر 38 کلو میٹر کے فاصلے پر پیش آیا، تین گاڑیاں آپس میں ٹکرائیں اور تینوں گاڑیوں کو نقصان پہنچا ہے، اداکارہ کے علاوہ باقی دو گاڑی موقع سے فرار ہوگئیں، حادثے میں تمام افراد کو معمولی چوٹیں آئی ہیں۔

Malaika Arora hospitalised after getting injured in car accident, sister  Amrita confirms she's getting better -Exclusive! | Hindi Movie News - Times  of India

ملائکہ اروڑا کی بہن اداکارہ امریتا اروڑا نے حادثے کی تصدیق کی تھی۔ انہوں نے میڈیا کو ان کی صحت سے متعلق آگاہ کرتے ہوئے کہا تھا کہ ملائکہ کی حالت اب پہلے سے کافی بہتر ہے تاہم انہیں کچھ وقت کے لیے ڈاکٹرز کی زیرِ نگرانی ہی رکھا جائے گا۔

Comments

یہ بھی پڑھیں