آمدن سے زائد اثاثہ جات کیس میں احتساب عدالت نے پیپلز پارٹی کے رہنما خورشید شاہ کو علاج کے لیے بیرون ملک جانے کی اجازت دے دی ہے۔
اے آر وائی نیوز کے مطابق احتساب عدالت نے پاکستان پیپلز پارٹی کے مرکزی رہنما اور وفاقی وزیر خورشید شاہ کو بڑا ریلیف دے دیا ہے۔ عدالت نے آمدن سے زائد اثاثہ جات کیس کی سماعت کرتے ہوئے خورشید شاہ کو علاج کے لیے بیرون ملک جانے کی اجازت دے دی ہے۔
آمدن سے زائد اثاثہ جات کیس میں وفاقی وزیر خورشید شاہ سکھر کی نیب عدالت میں پیش ہوئے۔ جہاں نیب عدالت نے سات رکنی میڈیکل بورڈ کی رپورٹ کی روشنی میں انہیں علاج کے لیے بیرون ملک جانے کی اجازت دے دی۔
خورشید شاہ کے وکیل مکیش کمار نے بتایا کہ احتساب عدالت کے جج نے میڈیکل رپورٹس کی روشنی میں خورشید شاہ کو 10 روپے کے مچلکوں کے عوض ایک ماہ کے لیے بیرون ملک جانے کی اجازت دے دی ہے۔
واضح رہے کہ خورشید شاہ کے خلاف احتساب عدالت میں آمدن سے زائد اثاثہ جات کا کیس زیر سماعت ہے۔ وفاقی وزیر نے عدالت میں بیرون ملک علاج کیلیے درخواست جمع کرا رکھی تھی۔ نیب عدالت نے درخواست کی روشنی پر ایم ایس سول اسپتال کی سربراہی میں 7 رکنی میڈیکل بورڈ تشکیل دیا تھا۔
یہ بھی پڑھیں: سلیمان شہباز کو ایف آئی اے کے بعد نیب سے بھی ریلیف مل گیا
میڈیکل بورڈ کی رپورٹ کے مطابق خورشید شاہ کو بیک بون ڈسک سمیت دیگر امراض کا سامنا ہے، جس کے لیے ان کا بیرون ملک جانا ضروری ہے۔
