The news is by your side.

Advertisement

خیبرپختونخوا نے نیشنل انڈر 13 ون ڈے ٹورنامنٹ جیت لیا

یو بی ایل اسپورٹس کمپلیکس کراچی میں کھیلے گئے نیشنل انڈر 13 ون ڈے ٹورنامنٹ کے فائنل میں خیبرپختونخوا نے سدرن پنجاب کو 2 وکٹوں سے ہرا کر ٹائٹل اپنے نام کرلیا۔

میچ میں آلراؤنڈکارکردگی کا مظاہرہ کرنے پر خیبرپختونخوا کے نفیس اختر کو پلیئر آف دی میچ قرار دیا گیا۔

فاتح ٹیم نے 148 رنز کا ہدف 13 گیندیں قبل 8 وکٹوں کے نقصان پر حاصل کرلیا۔ نفیس اختر 44 رنز بناکر ناٹ آؤٹ رہے۔ان کی اننگز میں پانچ چوکے شامل تھے۔نویں نمبر پر میدان میں اترنے والے محمد نوید کے پانچ چوکوں کی بدولت 26 رنز نے بھی خیبرپختونخوا کو چیمپئن بنانے میں اہم کردار ادا کیا۔

سدرن پنجاب کے عبدالرحمٰن نے دو وکٹیں حاصل کیں۔

اس سے قبل اوپنر محمد عمر کے 56 رنز کی بدولت سدرن پنجاب نے پہلے بیٹنگ کرتے ہوئے 147 رنز بنائے تھے۔خیبرپختونخوا کے ذولکفل زین نے تین جبکہ نفیس اختر اور محمد نوید نے دو دو وکٹیں حاصل کیں۔

Comments

یہ بھی پڑھیں