خوفناک کنگ کوبرا نے اپنا جسم اتنی اونچائی تک اٹھا کر پھن پھیلایا کہ دیکھنے والے دنگ رہ گئے، ویڈیو سوشل میڈیا پر وائرل ہوگئی۔
آپ نے سوشل میڈیا پر سانپوں کے حوالے سے بہت سی ویڈیوز دیکھ رکھی ہوں گی لیکن آج ہم جو ویڈیو آپ کیلئے لے کر آئے ہیں یہ ان سب سے منفرد ہے۔
سب سے بڑے سائز کے اژدھے کا ایک لمبے درخت کی طرح اونچے کھڑے ہونے کی وائرل ویڈیو نے صارفین کو حیرت میں مبتلا کردیا،
اس حوالے سے بھارت کے فاریسٹ آفیسر سوسنتا نندا نے سوشل میڈیا پر کنگ کوبرا کی ایک ویڈیو شیئر کی ہے جس میں رینگنے والا یہ دیو قامت جانور ایک ڈھلان کے اوپر کھڑا ہے اور اس کا سر زمین سے کئی فٹ اوپر ہےاور جسم کا باقی حصہ زمین پر ہی ہے۔
ویڈیو پوسٹ کرنے والے افسر نے کیپشن لکھا کہ کنگ کوبرا بھی ایک درخت طرح کھڑا ہوسکتا ہے اور جب ان کا سامنا کسی دشمن سے ہوتا ہے تو وہ اپنے جسم کا ایک تہائی حصہ زمین سے اٹھا سکتے ہیں۔
The king cobra can literally "stand up" and look at a full-grown person in the eye. When confronted, they can lift up to a third of its body off the ground. pic.twitter.com/g93Iw2WzRo
— Susanta Nanda (@susantananda3) February 27, 2023
ایک رپورٹ کے مطابق کنگ کوبرا دنیا کا سب سے لمبا زہریلا سانپ ہوتا ہے، دراصل یہ ایک ڈرپوک قسم کی مخلوق ہے جو ان علاقوں میں رہنے سے ڈرتا ہے جہاں انسان بستے ہوں۔
مذکورہ ویڈیو کچھ ہی دیر میں سوشل میڈیا پر وائرل ہوگئی اور صارفین کو بھی یقین نہیں آیا، انہوں نے اس پر شدید حیرت کا اظہار کیا، وائرل ویڈیو کو 539.6ہزار سے زیادہ ویوز، 1ہزار پلس ریٹویٹ اور 6.3ہزار سے زیادہ لائکس ملے ہیں۔