ریاض: سعودی عرب کے ولی عہد اور دفاعی معاملات دیکھنے والے شہزادہ محمد بن سلمان نےعید کا پہلا روز جنوبی سرحدی علاقے میں اگلے مورچوں پر تعینات فوجیوں کے ساتھ گزارا اور انہیں خراجِ تحسین پیش کیا۔
تفصیلات کے مطابق سعودی عرب سمیت خلیجی و دیگر ممالک میں مسلمانوں نے آج عید الفطر کا تہوار مذہبی جوش و خروش سے منایا اور ایک دوسرے سے اپنی محبت کا اظہار کیا۔
سعودی فرمانروا شاہ سلمان ، محمد بن سلمان سمیت دیگر رائل فیملی کے افراد نے مسجد الحرام میں عید کی نماز ادا کی، اس موقع پر سیکیورٹی کے سخت انتظامات بھی کیے گئے تھے۔
بعد ازاں خادم الحرمین شریفین شاہ سلمان نے مسلمانوں کو عید کی مبارک باد دی اور اس خواہش کا اظہار کیا کہ ’’خوشی کے اس موقع پر تمام خلیجی ممالک آپسی تعلقات کو بات چیت سے بیٹھ کر حل کریں تاکہ امتِ مسلمہ کو درپیش چیلنجز سے باہر نکالا جاسکے‘‘۔
#PICTURES: @KingSalman and Crown Prince #MuhammadBinSalman performs Eid Al-Fitr prayer at Grand Mosque in Makkah pic.twitter.com/27bFoC37VI
— Saudi Gazette (@Saudi_Gazette) June 4, 2019
سعودی گیزیٹ میں شائع ہونے والی رپورٹ کے مطابق سعودی ولی عہد محمد بن سلمان نے عید کے پہلے روز اپنے چند لمحات جنوبی سرحدی علاقے میں اگلے مورچوں پر تعینات فوجیوں کے ساتھ گزارے۔
مزید پڑھیں: سعودی عرب اورخلیجی ممالک میں آج عید الفطرمنائی جارہی ہے
محمد بن سلمان کو دیکھ کر فوجیوں نے مسرت کا اظہار کیا اور تصاویر بھی بنوائیں، سعودی ولی عہد کے فرمانروا کا خصوصی پیغام بھی فوجیوں کو پہنچایا اور اُن کے ساتھ مکمل اظہار یکجہتی کیا۔
#BREAKING: #SaudiArabia’s Crown Prince #MuhammadBinSalman meets the members of the armed forces in the Southern Border region, after offering Eid prayers at the Grand Mosque in Makkah. #EidMubarak pic.twitter.com/uFgc0yTPFg
— Saudi Gazette (@Saudi_Gazette) June 4, 2019
سرحد پر تعینات فوجی اہلکار اور افسران نے محمد بن سلمان کے یقین دہانی کرائی کہ وہ خون کے آخری قطرے تک مملکت کا دفاع کریں گے اور دشمن کے مذموم مقاصد کو خاک میں ملا دیں گے۔
