کراچی : کے ایم سی میں لینڈڈیپارٹمنٹ کے بدعنوان افسران کے خلاف نیب نے گھیرا تنگ کر دیا. نیب کے طلب کرنے پرکے ایم سی نے پچاس بد عنوان افسران کی فہرست ریکارڈ کے ساتھ نیب کو ارسال کردی۔جس کی کاپی اے آروائی نیوزکومل گئی۔
تفصیلات کے مطابق کراچی میں زمینوں پر قبضے، جعلی الاٹمنٹ اور مہنگی زمینوں کی کوڑیوں کے مول فروخت میں ملوث بدعنوان افسران کیخلاف کارروائی شروع ہوگئی ۔
نیب کے طلب کرنے پرکے ایم سی نے لینڈڈیپارٹمنٹ کے 50 بد عنوان افسران کی فہرست ریکارڈ کے ساتھ ارسال کردی. جس کی کاپی اے آر وائی نیوز نے حاصل کر لی.
کے ایم سی نے لینڈڈیپارٹمنٹ کا 18 سال کا تمام ریکارڈ بھی حوالے کیا ہے ، 50 بد عنوان افسران پر کلفٹن.گلستان جوہر. اور لانڈھی میں کروڑوں کی اراضی کوڑیوں کے دام فروخت کرنے. چائنا کٹنگ اور جعلی لیز و الاٹمنٹ کے ساتھ زمینوں پر قبضہ کا الزام ہے۔
بدعنوان افسران کی گرفتاری کے لئے کوششیں شروع کر دی گئی ہیں، تاہم ذرائع کے مطابق کئی افسران گرفتاری کے خوف سے بیرون ملک فرار ہو چکے ہیں۔
