کراچی: کورنگی الفلاح سے ایک ماہ قبل اغوا ہونے والی 2 لڑکیوں کا سراغ نہ مل سکا۔
تفصیلات کے مطابق کراچی کے علاقے کورنگی الفلاح سے ایک ماہ قبل مبینہ طور پر اغوا ہونے والی دو لڑکیوں کا تاحال کوئی سراغ نہ مل سکا ہے۔
پولیس حکام کے مطابق لاپتا لڑکیوں میں 16 سالہ سونیا اور 16 سالہ ثانیہ شامل ہیں جو آپس میں پڑوسی ہیں۔
- Advertisement -
پولیس حکام کے مطابق دونوں لڑکیاں گزشتہ ماہ کی 27 تاریخ کو گھر سے سامان لینے نکلی تھیں، لیکن واپس نہیں آئیں، دونوں لڑکیوں کا ایک ماہ گزرنے کے بعد بھی پولیس کوئی سراغ نہ لگا سکی۔
واقعے کا مقدمہ الفلاح تھانے میں اغوا کی دفعات کے تحت درج کیا گیا ہے، پولیس کا کہنا ہے کہ بہ ظاہر یوں معلوم ہوتا ہے کہ دونوں لڑکیاں اپنی مرضی سے گئی ہیں۔
