کراچی: شہر قائد میں ڈکیتی کی وارداتیں رکنے کا نام نہیں لے رہیں، مسلح افراد شہر بھر میں دندناتے پھررہے ہیں اور پولیس روایتی بے حسی کا شکار ہے۔
اے آر وائی نیوز کے مطابق شہر قائد کے علاقے کورنگی ساڑھے5 دھوبی گھاٹ کے قریب ڈاکوؤں کی فائرنگ سے ایک اور شہری زندگی کی بازی ہار گیا۔
ایس ایس پی توحید رحمان کے مطابق مقتول نعمان بنگالی پاڑے پر اپنے ہوٹل سے واپس آرہا تھا، موٹر سائیکل پر 2 ملزمان نے آتے ہی فائرنگ کردی۔
ایس ایس پی کورنگی نے بتایا کہ نعمان کو ایک گولی لگی اور موقع پر ہی دم توڑ گیا، نعمان نے گرتے ہی ایک ملزم کو پکڑ کر گرا دیا تھا۔
عوام کے تشدد سے ملزم بھی ہلاک ہوگیا، ہلاک ملزم سے برآمد کی گئی پستول کی شناخت کررہےہیں۔
اس سے قبل کراچی کے علاقے کورنگی میں ڈاکوؤں کی فائرنگ سے 2 سالہ بچی جان سے چلی گئی جبکہ بنارس میں ڈکیتی مزاحمت پر فائرنگ سے زخمی شخص دم توڑ گیا۔
ڈکیتی کا یہ واقعہ کورنگی چار نمبر اویس شہید پارک کے قریب پیش آیا ہے جہاں دو مسلح ملزمان ایک گلی میں کھڑے شہری سے موٹرسائیکل چھین رہے تھے جس پر اس نے مزاحمت کی۔
پو لیس حکام کے مطابق مزاحمت کے دوران ڈاکوؤں نے فائرنگ کردی تو گولی گھر کے اندر موجود دو سالہ بچی حورین کو جا لگی جس نے موقع پر ہی دم توڑ دیا۔
کراچی میں مبینہ پولیس مقابلے میں شہری جاں بحق، ڈاکو بھی مارا گیا
ڈاکو شہری سے موٹر سائیکل چھین کر فرار ہونے میں کامیاب ہوگئے، بچی کی لاش قانونی کارروائی کے لیے اسپتال منتقل کردی گئی۔
