کراچی : ڈاکس میں کے پی ٹی افسر کے قتل کا مقدمہ درج کرلیا گیا ، جس میں بتایا کہ عتیق الرحمان کو بھتیجی نے تیز دھار آلے سے وار کر کے قتل کیا۔
تفصیلات کے مطابق کراچی کے علاقے ڈاکس میں کے پی ٹی افسر کے قتل کے معاملے میں اہم پیش رفت ہوئی۔
پولیس نے واقعے کا مقدمہ مقتول کے بھائی کی مدعیت میں درج کرلیا، مقدمہ نمبر 336/23 میں قتل کی دفعہ شامل کی گئی ہیں ۔
مقدمے کے متن میں کہا گیا ہے کہ میرے بڑے بھائی عتیق الرحمان لالہ زار کے رہائشی ہیں، میرے بڑے بھائی کو بھتیجی نے تیز دھار آلے سے وار کر کے شدید زخمی کیا اور دوران علاج میرے بھائی زخمی کی تاب نہ لاتے ہوئے چل بسے۔.
مدعی مقدمے کا کہنا تھا کہ میرا دعوی ہے کہ دوران جھگڑا میری بھتیجی حبا نے وار کر کے قتل کیا ہے۔
پولیس حکام کا کہنا ہے کہ ملزمہ کو پولیس نے گرفتار کرکے وومن تھانے منتقل کردیا گیا ہے، مقتول کی پہلی اہلیہ انتقال کر گئی ہیں جبکہ دوسری شادی کی تھی۔
حکام کے مطابق پہلی بیوی سے تین بچے بھی ان کے ساتھ رہائش پزیر ہیں۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔