The news is by your side.

Advertisement

سعودی عرب: سیاحتی ویزے پر جانے والوں کے لیے بڑی خوش خبری

ریاض: سیاحتی ویزے پر سعودی عرب جانے والوں کو بڑی خوش خبری مل گئی ہے، سیاح اب عمرہ بھی کر سکیں گے۔

تفصیلات کے مطابق سعودی حکام نے کہا ہے کہ سیاحتی ویزے پر سعودی عرب آنے والے عمرہ بھی کر سکیں گے، سیاحتی ویزا اجرا کے لیے ویب سائٹ پر سیاحت، عمرہ پروگراموں کی بھی تفصیلات جاری کر دی گئیں۔

سعودی حکام کے مطابق کرونا وبا کے ڈیڑھ سال بعد 49 ممالک کے لیے سیاحتی ویزے کھول دیے گئے ہیں، ویزے کی تمام کارروائی آن لائن کی جائےگی، ای سیاحتی ویزہ ملٹی پل اور ایک سال کے لیے مؤثر ہوگا۔

سعودی عرب کا 49 ممالک کے شہریوں کو سیاحتی ویزہ دینے کا فیصلہ

سعودی حکام کا کہنا ہے کہ اس کے تحت ایک بار آنے پر سیاح 90 دن سعودی عرب میں گزار سکیں گے، سعودی عرب آنے والے سیاحوں کو کرونا ایس او پیز کی پابندی کرنا ہوگی۔

حکام کے مطابق سیاحوں کے لیے ضروری ہے کہ منظور شدہ ویکسینز میں سے کسی ایک ویکسین کی مطلوبہ ڈوزز لی جا چکی ہوں، اور پی سی آر ٹیسٹ کی منفی رپورٹ پیش کرنے پر ہی ای سیاحتی ویزا جاری کیا جائے گا۔

Comments

یہ بھی پڑھیں