اسلام آباد: پاکستان انٹرنیشنل ائیر لائنز ( پی آئی اے) کا کوالمپور میں روکا گیا طیارہ وطن واپس کیلئے تیار ہے۔
پی آئی اے کے ملکیتی بوئنگ 777 طیارہ ملائیشیا کی مقامی عدالت کے حکم پر روکا گیا تھا تاہم عدالت نے طیارہ روکنے والے حکم کو پی آئی اے کے حق میں ختم کردیا۔
ذرائع نے بتایا کہ پی آئی اے کے وکلاء نے 3 دن کی قلیل مدت میں عدالتی حکم کو ختم کروا کے طیارہ واگزار کروالیا ہے۔
کوالالمپور ایئرپورٹ پر پی آئی اے کا مسافر طیارہ روک لیا گیا
واضح رہے کہ 26 مئی کو ملائیشیا کی مقامی عدالت نے بغیر پی آئی اے کو طلب یا نوٹس کئے طیارہ روکنے کے احکامات جاری کئے تھے۔
طیارہ روکنے کے احکامات قصداً 29 مئی کو طیارے کی روانگی سے قبل پی آئی اے اور ائیرپورٹ حکام کو وصول کروائے گئے۔
تاہم اب پی آئی اے کے حق میں فیصلہ آنے کے بعد طیارہ راہداری اجازت نامے ملتے ہی کوالمپور سے پرواز پی کے 6893 کے ذریعے اسلام آباد کیلئے روانہ ہوجائے گا۔
