ممبئی: برصغیر کے عظیم مسلم ہیرو کی بہادری پر بنائی جانے والی فلم ریلیز سے پہلے ہی 100 کروڑ کلب میں شامل ہوگئی۔
بھارتی میڈیا رپورٹ کے مطابق کوزی کوڈ واقعے اور اُس کے مرکزی کردار محمد علی عرف کنجلی مرکر کی زندگی پر بنائی جانے والی فلم کو ’Marakkar: Lion of the Arabian Sea‘ کا نام دیا گیا ہے۔
اس فلم کی کہانی کوزی کوڈ پر مبنی ہے، جس میں محمد علی عرف کنجلی کی بہادری اور شجاعت کو دکھایا گیا ہے۔
کوزی کوڈ واقعہ
سنہ 1498 میں جب اسپین نے بھارت کے جنوبی علاقوں پر قبضے کا خواب دیکھا تو واسکو ڈی گاما ایک چھوٹی سی کشتی میں سفر کر کے کوزی کوڈ کے ساحل پہنچے، محمد علی نے بہادری سے واسکو کا مقابلہ کیا اور اپنے ملک کا بھرپور دفاع کر کے ہندوستان کو فتح سے ہم کنار کرایا تھا۔ فلم میں اُن کی جانبازی، حب الوطنی اور جذبہ شہادت کو اجاگر کیا گیا ہے۔
Thank you so much dear Ichakka for all your love and support. @mammukka https://t.co/rrEi6WbIRI
— Mohanlal (@Mohanlal) December 1, 2021
اس فلم میں مرکر کا کردار سپر اسٹار موہن لال اس فلم کے مرکزی ہیرو ہیں جبکہ کاسٹ میں بالی ووڈ اداکار سنیل شیٹھی سمیت دیگر اہم اداکار شامل ہیں۔ یہ فلم جمعرات 2 دسمبر کو سینما گھروں میں صرف ہندی سمیت دیگر زبانوں میں ریلیز ہوئی۔
فلم پرڈیوسر درشن کے مطابق فلم کی ریلیز ہونے سے قبل 100 کروڑ روپے کی ایڈوانس بکنگ ہوچکی ہے۔ انہوں نے بتایا کہ ملیالم، تامل، تلگو، کنڑ زبانوں میں بھی ریلیز کی جائے گی۔
View this post on Instagram
فلم مرکّر کا ٹریلر منگل کو ریلیز کیا گیا تھا جبکہ موہن لال نے اپنے ٹوئٹر اکاؤنٹ اس کا پوسٹر بھی شیئر کیا تھا۔
فلم نقادوں کے مطابق ’Marakkar: Lion of the Arabian Sea‘ بھارتی تاریخ کی وہ واحد فلم ہے، جو ریلیز سے قبل ہی 100 کروڑ کلب میں شامل ہوچکی ہے۔
