The news is by your side.

Advertisement

کویتی حکومت کی گاڑی مالکان کو اہم ہدایات

کویت : ٹریفک ڈیپارٹمنٹ کی جانب سے گاڑیوں کے تکنیکی معائنے کی فیسوں کا اطلاق یکم جون سے ہو جائے گا، اس حوالے سے کویتی محکمہ ٹریفک نے تمام گاڑی مالکان کو اہم ہدایات جاری کردی ہیں۔

اگلے ہفتے منگل سے محکمہ جنرل ٹریفک کے  ٹیکنیکل انسپیکشن ڈیپارٹمنٹ کی جانب سے تمام پرائیویٹ گاڑیوں کے تکنیکی معائنے کے لئے فیس کی  وصولی شروع کی جائے گی۔

تفصیلات کے مطابق کویت جنرل ٹریفک کا ٹیکنیکل انسپیکشن ڈیپارٹمنٹ تمام پرائیویٹ گاڑیوں کے تکنیکی معائنے کے لئے 01 جون بروز منگل سے فیس وصول کرنا شروع کردے گا۔

جس کے مطابق چھوٹی گاڑیوں کے معائنے کے لئے دو دینار فیس وصول کی جائے گی جبکہ ٹرکوں، بیرون ممالک سے ایکسپورٹ کی جانے والی گاڑیوں و موٹر سائیکلوں، ٹرکوں اور ٹریلرز کے بیرونی تکنیکی معائنے کے لئے 10 دینار سے 30 دینار تک فیس وصول کی جائے گی۔

اس تناظر میں محکمہ ٹریفک نے ایک فیصلہ جاری کیا ہے جس کے مطابق اس بات کو یقینی بنایا جائے کہ اس معاملے کو انجام دینے سے قبل اسٹمپ مشینوں میں مناسب ڈاک ٹکٹ موجود ہوں اور صرف متعلقہ ملازمین کو ہی اسٹمپ مشینوں سے ٹکٹیں وصول کرنے کی اجازت دی جائے۔

Comments

یہ بھی پڑھیں